Татар журналисты Габдерәхимнең (Рөстәм Юнысов) каберенә таш куелган. Бу хакта «Акчарлак» газетасы хәбәр итә. «Аллаһка шөкер», – дип язалар газетаның «Телеграм» каналында, кабер ташының фотосын урнаштырып.
Габдерәхим «Акчарлак» газетасында, «Курай» радиосында эшләде. Аны барысы да беркемнекенә дә охшамаган интервьюлары, үзенчәлекле язу стиле аша беләләр. Белеме буенча артист: Казан театр училищесын тәмамлаган, Тинчурин театрында эшләп алган.
Журналист 2021 елның 17 апрелендә вафат булды.
