Дубайга күчеп киткән Татарстан блогерлары Илүсә Фәләхова һәм аның ире Раушан актив рәвештә кызыгырлык бәяләргә турлар тәкъдим итүләрен дәвам итә. Дубайда туризм эшчәнлеге өчен лицензия алган блогерлар ялга килүчеләрне элегрәк кыйммәтле виллаларга урнаштырса, хәзер кыйммәтле районнарда 2-3 бүлмәле фатирларда яшәргә тәкъдим итә.
Бу көннәрдә блогерлар яңа тәкъдим белән чыкты. Яңа ел каникулларында тур бәяләре бик тә кыйммәтләнгәндә, аларныкы бөтенләй чүп бәягә калган икән. Гыйнвар аена 7 көнлек турны юк кына бәягә сатып алырга мөмкин. Илүсә сөйләвенчә, турлар, сентябрьга, октябрьга беткән, ноябрьга да бетү алдында тора икән.
Бу көннәрдә социаль челтәрләрдә һәм җирле телевидение каналларында әлеге блогерларны «туристлык пирамидасын» төзүче мошенниклар» дип атадылар. Бу хәбәрне күбрәк кеше күрсен өчен репост ясаучылар да бар.
Хәзер блогер аларның абруен төшергән телевидение журналистларын, усал сүгенеп, мәгълүматны тикшермичә чыгаруда гаепли. Илүсә Фәләхова ТВ журналисты белән аралашуы турында хәбәр итә. «Хәзер ТВ блогерларда хайп ясый. Килеп җиттек. Үзләре кызык уйлап таба алмый. Хәзер акчаң булса – син Алла. Син барысын да эшли аласың. Барлык хәбәрләр дә шулай сатып алына. Тапшырулар да. Шундый дөньяда яшибез», – дип үпкәсен белдерә блогер.
Журналист Альберт Шакиров та бу хакта социаль челтәрдәге сәхифәсендә халыкны кисәтте.
«Туристлык агентлыгы хуҗалары «бу кешеләргә безне мошенниклар дип атарга ничек оят түгел» дип борчыла башлады. Шул ук вакытта алар Дубайда бәхетле ял итүчеләр турында күпсанлы мисаллар китерә. Аларның фатирларына килеп, катлаулы булмаган, әмма үзләре өчен кирәк булган сораулар бирәләр. Рәхмәт сүзләрен яздыралар һәм күпсанлы аудиториягә күрсәтәләр. Менә күрәсезме, күрәсезме?! Бу – эшли бит.
Бу хакта миндә генә түгел, башка блогерларда да, шулай ук телевидениедә чыккан репортажлар нәтиҗәсен бирде. Дубай тирәләрендә хәйран кызган тавышлар ишетелә башлады. Аларга репост ясамавымны аңлатып үтәм. Сәфәр оештыручылар ягыннан аргумент булырлык фактлар күрмим. Сүз генә көрәштерәләр», – дип сөйләде ул.