«Зурлаганнар үзеңне» – Ильмира Нәгыймовага гадәти булмаган букет бүләк иткәннәр
"Татар-информ" архивы
Җырчы Ильмира Нәгыймовага чираттагы концертларының берсендә гадәти булмаган букет бүләк иткәннәр. Чәчәк бәйләменнән аермалы буларак, матур гына түгел, ә файдалы да!
Бу хәл Кыргыз-Миякәдә (Башкортстан, Миякә районы) булган. Җырчы «Телеграм» каналында җиләк-җимешләрдән торган матур һәм тәмле букетны күрсәтеп: «Кызлар, карагыз әле... Вәт букет... Авырлыгын белсәгез... Башта ашыйбыз, ә юк, башта фотога төшәбез», – дип хозурланган видеоны урнаштырган.
«Мату-у-ур!», «Витаминлы бүләк», «Мондый матурлыкны ашарга да кызганыч», «Исән бул, сеңлем. Зурлаганнар үзеңне», – дип язганнар Ильмираның виртуаль дуслары.
Видео: Ильмира Нәгыймованың «Телеграм» каналыннан