Зөлфия Вәлиеваның шәхси аккаунтыннан
Тинчурин театры артисты Зөлфия Вәлиевага «Татарстанның халык артисты» дигән мәртәбәле исем биргәннәр.
«Рәхмәттән башка сүзем юк! Хезмәтемне күрә һәм бәяли белгәнегез өчен...» – дип шәхси аккаунтында сөенече белән уртаклашкан артист.
«Котлыйбыз! Дәрәҗәләрең үсеп, иҗатың ташып торсын», «Бәрәкәтле булсын! Яратам, хөрмәт итәм! Киләчәктә тагын да зуррак дәрәҗәләр булсын!», «Шатлыклы хәбәр. Син искиткеч. Кеше буларак та, артист буларак та!», «Ниһаять! Без би-и-ик шат сезнең өчен», «Мең тапкыр лаек!» – дип артистны тәбрикләгән виртуаль дуслары.
Без дә бу теләкләргә ихластан кушылабыз. Иҗат чишмәгез саекмасын, ә гөрләп аксын, Зөлфия ханым!
