«Күптән түгел бер-ике көнгә генә Төркиягә барып кайттык. Эш турында уйламыйбыз, башны ял иттерәбез дип барган идек, буш кул белән кайтасы килмәгәч, яңа җырыбызга җиңелчә генә клип төшердек. Сезгә бездән күчтәнәч», – дип язган Зөлфирә Шәйдуллина-Мирзаянова «Вконтакте» социаль челтәрендәге битендә.
Иҗади гаилә Зөлфирә һәм Алмаз Мирзаяновлар клипны «Үпкәләшмик» җырына төшергән. Җырның авторлары – Айдар Тимербаев һәм Илһам Якупов.
Тамашачылар клипны ошатулары, ә артистларның иҗатын яратулары турында күпсанлы комментарийлар калдырган.
