Җырчы, яшь әни Зөлфирә Шәйдуллина-Мирзаянованың «Кызыма» дип аталган җыры шушы көннәрдә музыкаль мәйданнарда чыкты.
«Ниһаять! Күп язып тормыйм. Бу җыр – бүгенге көндә иң кадерлесе. Бәгырь җимешем – Нәзирәмә багышланган. Риваль Хисмәтуллин көе, Айгөл Вәлиуллина сүзләре», – дип тәкъдим иткән ул иҗат җимешен социаль челтәрдәге сәхифәсендә.
Җыр Зөлфирәнең виртуаль дусларының күңелләренә хуш килгән. «Бик матур җыр», «Тавы-ы-ыш!», «Искиткеч башкарасыз», «Үземнем кызым да Нәзирә белән бер тирәдә тугач, бигрәк тә кадерле бу җыр», – дип, комментарийлар язучылар булган.