Иҗади гаилә – Зөлфирә һәм Алмаз Мирзаяновлар заманында Хәния Фәрхи җырлаган «Өзеп ал син мине» дип аталган җырны яңартып чыгарганнар.
«Сез дә, без дә күптән көткән җырыбыз барлык музыкаль мәйданнарда чыкты! «Өзеп ал син мине». Ризван Хәкимов көе, Рамил Чурагулов сүзләре. Нияз Вәлиев аранжировкасы һәм тавыш яздыру. Сезгә тыңларга матур җыр булсын дип тырыштык. Комментарийлар көтәбез», – дип тәкъдим иткәннәр җырны Зөлфирә – Алмаз социаль челтәрләрдә.
«Нык яратам шушы җырны. Эх, матур җырлыйлар», «Афәрин, Зөлфирә – Алмаз! Гомерле, халык күңеленә үтеп кергән мәгънәле җыр», «Сезнең барлык җырларыгыз да матур. Сокланам үзегезгә», «Сөбеханалла. Затлы җырчылар сез», – дип, берсеннән-берсе матур сүзләр язганнар аларның виртуаль дуслары.