Зөлфәт Зиннуровның улы Рәхим тәпи китмәкче була: «Чирәм чәнчи, тик ул безне куркытмый!»

Җырчы, алып баручы Зөлфәт Зиннуров социаль челтәрдәге аккаунтында тәпи китәргә маташкан улы Рәхимнең видеоязмасын урнаштырган.

– Аягын чирәм чәнечтерә малайның. Ләкин ул безне туктатмый! – дип язган Зөлфәт Зиннуров улының чирәм өстеннән үрмәләп баруы турында.

Видеога ул үзенең репертуарыннан «Каргышлы юл» дигән җырын куйган. «Беткәнмени сиңа җәйләүләр? Чыга калсам үзем, бу юллардан түгел, кырдан кайтыр идем җәяүләп» – дип җырлый ул.

Халык Рәхимнең үрмәләп йөрүен бик ошаткан: «И сабый, атлыйсы юлларың озын, бәхетле булсын», «кеше баласы бигрәк тиз үсә инде, алга, бернигә дә карамый», «нинди зур егет булган инде», «сөбханалла, нәни егет инде үрмәли дә башлаган! Исәнлектә, тигезлектә, бәхеттә үстерегез шушы нәни бөртегегезне һәм матур кызларыгызны», «әтисенең улы, алдатмый», «башы эшли, молодец!» – дип язганнар.