Танылган алып баручы Зөлфәт Зиннуров гаиләсе һәм гаилә дуслары белән кышкы пикникка чыккан. Кышкы ялдан видео социаль челтәрләрдә чыкты.
«Менә табигатькә чыктык. Самавыр куеп җибәрдек, шашлык булачак, менә монда коймак пешәчәк. Без өч егет шулай хатыннарның, балаларның күңелен күреп йөрибез. Әнә балалар тау шуып менеп килә. Кая әле, кызлар янына килик. Туңмадыгызмы? Уңган егетләр инде без. И уңды инде хатыннар ирләреннән», – дип сөйли шоумен.
Комментарий калдыручылар яшьләрнең матур ял итә белүләренә соклануларын белдергән.
«Үзегезне үзегез мактыйсыз. Сүз дә юк, сез молодцы», «Эшли дә, ял да итә беләсез», дип язган фото-видеоларны караучылар.
«Молодцы, егетләр! Бөтен яктан да килгән сез, дәшмичә генә көнләшеп тә булмый. Мондый ирләр белән торган хатыннар да зарлана микән?» – дип кызыксынучыга «Зарланалар шул. Әле ничек кенә», – дип җавап биргән шоумен.
