Алып баручы Зөлфәт Зиннуровларның нәселе ишәйгән. Аның бертуган сеңлесе өченче тапкыр әни булган.
Сабыйны бәби тудыру йортыннан каршылауның күңелле мизгелләрен Зөлфәт Зиннуров сторисларында күрсәтә. Әни белән бәбине алар җыйнак кына компания белән каршылаганнар. Чәчәкләр, шарлар тотып, бәби тудыру йортына апасының тормыш иптәше, ике улы һәм Зөлфәтнең гаиләсе килгән. Зөлфәтнең кечкенә улы Рәхим өчен бу чара аеруча истәлекле, чөнки ул беренче тапкыр абый булган. 2 яшьлек Рәхим моны үзе дә аңлый инде, олылар арасында бик шатланып йөгереп йөри.
Гадәттә, бәбине алып чыккан шәфкать туташына әти кеше берәр күчтәнәч бирә торган иде. Ә бу видеода бәхетле әти медицина хезмәткәренең кесәсенә акча гына салып куя. Каршы килергә тырышкан шәфкать туташына Зөлфәт моның шундый йола икәнлеген искәртә.
Зөлфәт Зиннуровның үзенең гаиләсендә дә 3 бала үсә. Хәзер сеңлесе дә «күпбалалы әни» статусына лаек булды.
Яңа туган сабыйга Айдан дип исем кушканнар.