Танылган композитор, җырчы, 90 нчы елларда эстрадага яңа агым алып килгән Татарстанның халык артисты Зөфәр Хәйретдинов җырчы Фирүзә Хафизованың беренче концертында катнашкан. Сәхнә артында ул блогер Олеся Лесная сорауларына җавап биргән.
Зөфәр абый, соңгы вакытларда концертларны шоу итеп үткәрәләр. Бу – кеше җыелмаганлыктанмы? Ничек уйлыйсыз?
Кешене нәрсә белән булса да җәлеп итәргә кирәк бит инде. Халык барыбер шоуга дип килми, дип уйлыйм. Артист кызык булмаса, кеше килми. Нинди генә шоу ясасаң да. Бер «шоуларга» була, гел «шоулап» булмый.
Үзегезнең концертлар күренми әле…
Җырчы буларак мин йөреп туйдым, арыдым. Мин, автор буларак, иҗат концертларымны гына оештырсам инде. Әлбәттә, безнең заман узган инде, дип әйтмим. Әмма барыбер заман белән бергә атларга кирәк.