Башкортстанның Зилаир районында яшәүче 39 яшьлек ир-ат саксызлык аркасында үлемгә китергән өчен суд каршына басачак. Бу хакта «Башинформ» хәбәр итә.
Россия Тикшерү комитетының БР буенча Тикшерү идарәсе матбугат хезмәте мәгълүматлары буенча, быел апрель аенда Иске Якуп авылы зираты территориясендә бер ир-ат бензин пычкысы белән агачларны кискән. Шул ук вакытта ул куркынычсызлык кагыйдәләрен үтәми, агач аву зонасын әйләндереп алмаган һәм анда кешеләр юклыгын да тикшермәгән.
Киселгән агач зиратның тышкы ягында чүп җыеп йөрүче 52 яшьлек ир-ат өстенә төшкән. Ул шунда ук үлгән.
Эшне тикшерү өчен судка җибәргәннәр, диелә хәбәрдә.
