Зиратка килгән ир-атны аю талап имгәткән
Аны узып баручы машиналар күрә, ашыгыч ярдәм чакыралар.
26 декабрьдә Приморье өлкәсендәге Преображение бистәсе районында зиратка килгән 57 яшьлек ир-атка аю һөҗүм иткән. Бу турыда «Вести» каналы хәбәр итте.
Ир-ат аюдан качу ысулын таба һәм юлга йөгереп чыга. Аны узып баручы машиналар күрә, ашыгыч ярдәм чакыралар. Табиблар имгәнгән ир-атны Находка шәһәре хастаханәсенә алып китә.
Зират урнашкан район администрациясе әлеге фактның чыннан да булуын раслаган. Урынга аучылар киткән, алар кешегә һөҗүм иткән ерткычны таба алмаган, диелә хәбәрдә.
