Зиратка кайсы көннәрдә барсаң саваплырак?
Бу сорауга Татарстан мөфтие Камил хәзрәт Сәмигуллин җавап бирә.
Расүлебез Мөхәммәд: «Каберлекләрне зиярәт кылыгыз, ул сезгә мәңгелек тормыш турында искә төшерәчәк», – дип боерды. Шуңа күрә зиратка бару динебездә сөннәт булган бик күркәм изге гамәлләрнең берсе булып тора. «Зиярәт» сүзе гарәп теленнән алынган, ул сүз гомумән «күрешергә, хәл белергә дип кайдадыр бару» дигән мәгънәне белдерә. Мөмкинлек булганда, бигрәк тә җомга, гает көннәрендә зиратка бару бик саваплы гамәл.
