Зинира Рамазанова урын өстенә егылган
Татар эстрадасының парлы җырчылары Зинира һәм Ризат Раманазовлар гастрольләрен туктатып торырга мәҗбүр булган. Инстаграм сәхифәсенә керткән видеодан аңлашылганча, Зинира Рамазанованың тавыш ярыларына зыян килгән.
«Хөрмәтле дусларыбыз, бүген Кукмарада буласы концертыбыз, кызганычка каршы, Зинира авыру сәбәпле, күчерелә. Кичә дә көчкә-көчкә генә эшләп чыккан идек, бүген табиб тавыш ярыларына тынычлык кирәк, диде. Шуңа күрә Кукмарага килә алмыйбыз, барысы да үз көчендә кала. Зинира, ә син терел. Кукмара, ачуланмагыз безгә, Алла боерса, күрешәбез. Рәхмәт сезгә», — ди видеода Ризат Рамазанов.
«Сакланып йорегез, брат», «тизрәк терелегез», «Зинирага күз тигән», «Балалар, бераз саклагыз үзегезне, бигрәк ялсыз да эшлисез бугай, Аллаһы Тәгалә җиңеллеген бирсен, тизрәк терелергә язсын, ятып бераз ял ит бала, күзсенәсездәдер инде, Аллаһы Тәгалә рәхмәтеннән, ярдәменнән ташламасын, Йа Раббым», «бигрәк бетеренгәнсең, ял итеп ал, зинһар», — дигән комментарийлар калдырганнар җырчыларга.