Зинира һәм Ризат Рамазановлар авылны сагыну турында дуэт яздырган
Инстачылар яңа җырга «гел тыңлыйсы килеп тора» дип бәя биргән.
Зинира һәм Ризат Рамазановлар «Авылкаем» җырына дуэт яздырган. Бу хакта инстаграмда «Татар эстрадасы — «Зур Баян» сәхифәсендә хәбәр ителә.
Дәртле дә, шул ук вакытта сагыну сагышы булган җырны инстачылар «гел тыңлыйсы килә», «ут җыр», дип бәяләгән.
Кайтып киләм авылыма,
Каршы ала күл буйлары
Балык тотып уйнап үскән,
Инешләре, елгалары.
Кайтып киләм авылыма,
Сукмак төшкән урамнарың.
Урап узам әле тагын
Бер туздырып тузаннарын.
Сагындыра, сагындыра
Кайтмый торсам авылыма.
Кайта сиңа балакаең,
Хәлләр ничек, авылкаем?