Зинира һәм Ризат Рамазановлар социаль челтәрдәге сәхифәләрендә чираттагы яңа җырын тәкъдим итте.
«Чыршы куйдык, пилмән бөктек, Кыш бабайга хат яздык, ниһаять, җыры да булды. Көтәбез сихри Яңа елны», – дип яза алар.
Җыр «Яңа ел» дип атала. Аның сүзләрен Гөлчәчәк Садретдинова язган, ә көен Айдар Тимербаев иҗат иткән. «Бик матур мәгънәле җыр», «мондый җыр булгач, бураны да булачак, Яңа ел да киләчәк», – дип бәя биргән яңа иҗат җимешен тыңлап караучылар.
«Яңа елда, Яңа елда кабул булсын теләкләр,
Саф сөюдән ләззәт алып бергә типсен йөрәкләр...»
