Телеграмда Татарча хәдисләр дигән канал бар. Биредә хәдисләрнең чыганаклары күрсәтелгән хәлдә татарчага тәрҗемәләре бирелгән. Каналны ТР мөселманнарының Диния нәзарәте тәкъдим итә.
Күбебез уйлаганча, зина ул – җенес әгъзалары белән эшләнгән олы гөнаһ кына түгел икән!
Аллаһы Тәгалә һәрбер адәмгә зинадан бер өлеш язган (ләүхү-л-мәхфузда), ул һичшиксез аңа ирешәчәк, күзнең зинасы ул (тыелган нәрсәгә шәһвәт белән) карау, тел зинасы ул (тыелган нәрсә хакында) сөйләшү, нәфес(нең зинасы исә җенес әгъзасы белән зина кылуны) теләве һәм аңа омтылышы, ә җенес әгъзасы исә боларны дөресли яки бушка чыгара.
Сахих Бохари, 6243
Габдуллаһ бин Мәсгуд әйткән: «Күзнең зинасы ул (тыелган нәрсәгә шәһвәт белән) карау, ирен зинасы ул (тыелган кеше белән) үбешү, кул зинасы ул (тыелган кешегә) тотыну (яки бармаклар белән экранга басып, тыелган нәрсәләрне карарга маташу), ә аяк зинасы ул (тыелган урынга, яки тыелган гамәлне башкаруга) бару».
Шугабу-л-иман, 6659
Фото: ©телеграм-каналдан скриншот, https://t.me/tathadisler