Зифа Кадырованың «Язмышыңа язылганны» дип аталган яңа китабы чыкты. Язучы Чаллыдан Казандагы «Идел-пресс» типографиясенә зур фура машинасы белән килеп, 10 000 данә тираж белән чыккан китапларны алып киткән. Бу турыда ул социаль челтәрләдә интервьюда сөйләгән.
Зифа Кадырова китапның әтиләр һәм ирләр, бүгенгө көн таләпләре, афәтләре, мәхәббәт темасына багышлануын әйтә. Китапның дәвамы булачак, ди ул.
Китапның 1 меңен чыкканчы ук таратып бетергәннәр. Төрле кибетләр тарату өчен дә алып киткән.
«Интернет челтәренә китапны элмәсеннәр иде. Мин моны каты тыям, мины тыңламыйлар. Тик моның бер чиге бар барыбер», – ди автор.
Фото: © https://vk.com/wall121516920_1375, Зифа Кадырованың социаль челтәрдәге сәхифәсе
