Красноярск краенда яшәүче хатын-кыз кайнар сулы ваннада вафат булган. Бу турыда РЕН ТВ яза.
Блогер һәм рэп башкаручы хатын-кыз белән фаҗига Ачинск шәһәрендә була.
Тикшерү комитеты белешмәсе буенча, 32 яшьлек хатын-кыз гәүдәсендә термик пешүләр була. Ул бу фатирда бер ир-ат белән яши. Ир-ат хатынның мәетен кайнар сулы ваннада таба. Хәзерге вакытта аның үлеменең төгәл сәбәбен ачыклыйлар.
Моңа кадәр Владивосток шәһәрендә 69 яшьлек хатын кайнар су җыелган күлләвектә һәлак булуы хәбәр ителгән иде. Әлеге күлләвек җылылык трассасы өзелгәч барлыкка килгән.
