Зеленский Украина Кораллы көчләренең контрһөҗүме уңышлы бетүнең мөмкин хәл булмавын әйтте

Украина Кораллы көчләре (ВСУ) контрһөҗүменең уңышлы тәмамлануын зур югалтулар аркасында көтәргә кирәкми. Бу хакта Украина президенты Владимир Зеленский CNN телекомпаниясенә биргән интервьюсында әйткән. «Лента.ру» шул турыда яза.

«Беренчедән, бу – фильм түгел, ул сәгать ярым дәвам итми. Бу – контрһөҗүм, бу – хеппи-энд булган (бәхетле азагы булган – ред.) кино түгел, бездә хеппи-энд булмаячак. Без күп кешене югалттык. Бездә хеппи-энд булмаячак, без моны танырга тиеш», – диде Украина лидеры.

Зеленский сүзләренчә, Көнбатыш илләре тарафыннан кораллар китерү яу кырында тиз нәтиҗәләргә ирешүне аңлатмый. «Без бу һөҗүм турында сөйләшеп утырганда, күпләр аны, бик акрын бара, дип әйткәндә, ул әле дә дәвам итә», – диде ул.

Моңа кадәр немец басмасы Handelsblatt хәбәр иткәнчә, Көнбатышта рәсми булмаган сөйләшүләр барышында Украина Кораллы көчләренең контрһөҗүме турында пессимистик сүзләр әйтелә. Аерым алганда, Украина ягының Россия оборонасының беренче линиясен узуы турындагы хәбәрләре «Көнбатыш альянста саклык белән кабул ителде».