Зефир (рецепт)
Лаеш районы Сиңгел авылында яшәүче Альмира Миңнуллинадан зефир рецептын тәкъдим итәбез.
Бер стакан суны кайнатып чыгарырга. Кайнар суга 1 кг шикәр комы салып эретеп бетергәч, сүрән утта 20 минут болгата - болгата кайнатырга.
Икенче савытта ярты стакан су салып 30 гр желатинны эретергә.
Кайнар сиропны миксер белән болгата - болгата әз - әзлэп желатинны агызырга. Бер 10 минут күперткәч 1 бал кашыгы өеп лимон кислотасы һәм ярты бал кашыгы чәй содасы салып озак кына болгатасын. Масса агара, куера башлый. Кашык белән салгач формасын тотса әзер дигән сүз.
Кем ничек киптерә. 1 сәгатьтән алып 6 сәгатькә кадәр кибәргә мөмкин.
Чәйләрегез тәмле булсын!
