«Зато фонограмма түгел»: Фирдүс Тямаев концерт вакытында җырның сүзләрен оныткан - видео
«Зато фонограмма түгел»: Фирдүс Тямаев концерт вакытында җырның сүзләрен оныткан - видео
Фирдүс Тямаев концерт вакытында җырның сүзләрен оныткан. Бу тамашаның видеосын ул үзе инстаграмдагы сәхифәсенә куйды.
"Сүзләрен оныттым", - дип яза ул. Видео кадрларында җырчының сүзләрен онытып, кәгазьгә иелеп укыганы күренә. Аңа шыгрым тулы мәйдан алкышлый.
Инстачылар да Фирдүснең күңелен күрә. "Үз тавышы белән җырлаучы кеше бераз гына сүзләрен онытса да ярый. Бик зур хөрмәт уята, фанерага сикерү түгел инде", "Барыбыз да кеше. Зато фонограмма түгел", "Сиңа сүзләрен онытсаң да килешә, Фирдүс. Чын батыр мишәр", - дип язалар.
Инстаграмдагы фотолардан аңлашылганча, бу концерт Әлмәттә ачык һавада булган. "Дуслар, кайда көтәсез мине? Сезгәз килеп, дер селкетеп, гомерегезне озынайта торган адреналин биреп китәм", - дип яза Фирдүс бу видео янында.
