Зарядкага куйган телефон аркасында Түбән Камада фатир янган
Фатирдагы электр челтәренә тоташтырылган телефон яна башлаган.
Узган шимбәдә Түбән Кама шәһәренең Вахитов проспектындагы бер йортта янгын чыккан. Бу турыда НТР каналы хәбәр итте.
Икенче каттагы фатирдагы янгын электр челтәренә тоташтырылган телефон аркасында килеп чыккан. Бу фатирны бер гаилә арендалап торган.
Бер мизгелдә кыска ялганыш булган һәм телефон яна башлаган. Шуннан соң матрацка ут капкан. Бүлмәләрдәге идән, стеналар корымга буялып беткән.
Янгын сүндерүчеләр мәгълүматы буенча, янгын 2 квадрат метрда булган.
