Зәринә Хәсәншинаның әнисе балаларына һәр сүгенү сүзе өчен 100 сум түләтә башлаган
Җырчы Зәринә Хәсәншина авылда әти-әнисе белән кызыклы видеолар төшерә. Аның язылучылары социаль челтәр аша җырчының әнисе Фәнисә ханымны яратып өлгерде.
«Фәнисәнең балалары катырак сүгенә башлаган», – дип исем биргән җырчы бер видеога. Анда әнисе: «Бер сүгенү сүзе – 100 сум, күчерәсез минем картага, әгәр дә бик сирәк кенә миннән чыга икән, шул 100 сумыгызны кайтарам», – дип әйтә.
«Болар хәзер махсус минем ачуны китереп йөриләр. Эш кушсаң – эшләмәскә. Юк инде, балалар, алай булмый. Ярты зарплатагызны авылда калдырып китәсез», – дип, әни кеше балаларына шелтә белдерә.
«Кич белән кем күпме җибәргәнен язармын», – дип вәгъдә иткән җырчы.