«Бу җырны, нигәдер, бер тыңлауда ошаттым да үз иттем. Бәлки, бик күпләрнең йөрәк ярасына кагылырмын. Анысы өчен алдан ук гафу үтенәм.
Мин беркемгә дә мондый язмыш теләмим», – дип яңа җырын тәкъдим иткән Зәринә Хәсәншина.
«Кагылмагыз яраларга» җырының сүзләрен Рәсимә Гарифуллина, ә көен Руслан Галимуллин иҗат иткән.
«Сагышланып яшәргә язмасын, бәхетләрең булсын, Зәринә. Без сине бик яратабыз, син – кабатланмас»;
«Искиткеч матур, моңлы, мәгънәле җыр иҗат иткәнсез. Авторларга, Зәринәгә афәрин»;
«Руслан, һәрвакыттагыча искиткеч матур, үзәккә үтә торган җырлар синеке шул. Зәринә белән уртак җимешләрегез күбрәк булсын», – дип, жырчыны һәм авторларын хуплаганнар.