Яшь җырчы Зәринә Хәсәншина үзенчәлекле фотосессиясеннән берничә сурәт белән социаль челтәрдәге сәхифәсендә уртаклашкан. Фотога төшәм дип, ерак барып йөрмәгән ул, ә бары тик күрше авылдагы су манарасын фотозона урыны буларак сайлаган.
«Матурлыкны күрә белергә генә кирәк... Бу гаҗәеп табигать сәнгате безнең күрше авылыбызда гына. Моның нәрсә икәнен чамалыйсызмы? Бу – «водонапорная башня». Кырыйдан карап торганда, әллә нәрсәсе дә юк кебек, фотоларга төшә башлагач, үзеңне кайдадыр Байкалда сыман хис итәсең», – дип язган Зәринә.
Фотоларны карап, аның язылучылары бу матурлыкка сокланганнар. Бик күпләр: «Кар патшабикәсе!» – дип комментарий калдырган.
«Образ шәп!», «Мин дә авылдагы «башня» бозларына сокланам», «Себер якларында төшкән фотолар сыман. Бик матур килеп чыккан», «Әкияти гүзәллек», «Искиткеч!» – дип хозурланганнар Зәринәнең «подписчик»лары.
«Салкын тидерәсең бит!» – дип, җырчының сәламәтлеген кайгырткан композитор, автор-башкаручы Айдар Тимербаев.
Ә берәүгә исә Зәринәнең бу «кыланмышы» ошап бетмәгән: «Мин сине бик ярата идем... Ә син үзеңне бик яратасың бугай, матурым», – дип, хәтере калган. Әйтерсең лә, җырчы анадан тума фотога төшкән, яисә башка берәр ярамаган нәрсә эшләгән…
Фотолар: Зәринә Хәсәншинаның шәхси аккаунтыннан