Җырчы Зәринә Хәсәншинаның энесен кыска вакытлы армия хезмәтенә җибәргәннәр.
«Рәзилне 1 айга армиягә озаттык бүген. Укыган җиреннән шулай җибәрәләр. Чүт соңга калмадык, ярый әле өлгердек. Елап беттек», – дип яза ул сторисларында.
Зәринә Хәсәншина әнисенең Рәзил белән телефоннан сөйләшергә тырышуын да төшереп алган. «Номерың шушымы әллә хәзер, улым? Сиңа шалтыратырга ярыймы соң, үзең генә шалтырата аласыңмы? Өзелде, тотмый», – дип борчыла Фәнисә апа.
«Сугышка балаларын, ирләрен җибәргән кешеләрнең хәле мең тапкырга авыррак икәнен аңладык», – дигән Зәринә Хәсәншина.
