Запастагыларны хәрби җыенга чакыру турында указ имзаланды: ирләр 12 айга китәргә мөмкин
Запаста торган Россия гражданнарының бер өлеше быел традицион рәвештә хәрби җыеннарга чакырылачак. Россия Президенты Владимир Путин шундый карар имзалады. Бу турыда «Татар-информ» хәбәр итте.
«Запаста булган гражданнарны <...> 2023 елда Россия Федерациясе Кораллы көчләрендә, Россия Федерациясе Милли гвардиясе гаскәрләрендә, дәүләт саклау органнарында һәм Федераль иминлек хезмәте органнарында хәрби җыеннар узу өчен чакырырга карар итәм», – диелә документта. Ул хокукый мәгълүматның рәсми интернет-порталында урнаштырылган.
Ил хөкүмәтенә һәм төбәкләрнең башкарма хакимият органнарына хәрби җыеннарга чакыру һәм аларны үткәрү белән бәйле чаралар үткәрүне тәэмин итү йөкләнгән. Документ ике пунктны үз эченә ала. Указ рәсми рәвештә басылып чыккан көннән үз көченә керә.
Россия Федерациясе законнары нигезендә, резервта булган хәрбиләр өчен җыеннарның дәвамлылыгы гадәттә ике айдан артмый. Гадәттә, аларга повесткалар елына бер тапкыр җибәрелә. Шул ук вакытта запастагы гражданин хәрби хезмәттә 12 айдан артмаган вакыт дәвамында була ала.