Танылган алып баручы Зәмирә Рәҗәпова кеше гаиләсенә керергә теләүчеләрне аңламавы һәм аларны бу адымга нәрсә этәрүенә аптыравы турында язган.
«Шушы көннәрдә миңа Максым бер смс күрсәтте. Анда бер хатын аңа мөнәсәбәтләр тәкъдим итә, аны бик ошатуын яза. Бу хатынның минем структурада («челтерәвекле» бизнеста) менеджер булып эшләгән кеше булуы шаккатырды. Ул мине белә, минем белән аралаша. Карап торышка бик тыйнак, аның турында алай уйлап та булмый.
Ул Максның гаиләсе, балалары булуын белүе турында яза. Әмма аңа Макс ошый икән. Көчле аргумент шул. Мондый кешеләр нәрсә уйлап шундый юлга бара икән? Бәхетле буласылары киләме? Көнләшүме? Көнчелекме? Хайван инстинктымы? Бозыклыкмы? Нәрсә бу?
Ирем белән бер-беребезгә ышанабыз, безнең серләребез юк, телефонда, социаль челтәрдә дә парольләр юк.
Әгәр ир-ат җавап бирсә... Алай да булырга мөмкин, моннан беркем дә «сакланмаган». Шулай ук без дә. Бу нәтиҗә күпләр өчен катастрофа булачак. Уздык, беләбез. 15 ел узды, әле дә, искә төшкәндә, «каз тәннәре» чыга. Бар кеше дә зыян күрәчәк: ир, аның хатыны, балалар, ата-аналар – бер азгын аркасында күпме кеше травма ала. Аңа ошый икән…
Бу турыда язаргамы, юкмы, дип озак уйладым. Язарга булдым. Әгәр сез өйләнгән һәм кияүгә чыккан кешегә күз салгангансыз икән, миллион тапкыр уйлагыз. Зина кылучылар тәмугта яначак. Кисәтеп куям, киләсе юлы постны фото һәм паспорт мәгълүматлары белән куям. Мин моны булдыра алам. Тәмугтан ким булмаячак, минем белән бәйләнешкә керергә киңәш итмим», – дип язган ул.
«Бәхет тынычлыкны ярата. Сез үз тормышыгызны күп күрсәтәсез. Нигә? Бүген узып киткән, иртәгә алай булмаска мөмкин. Бүген ул җавап бирмәгән, әмма сихер дигән нәрсә бар, аннан беркем дә сакланмаган»;
«Әйе, Зәмирә, шундый оятсызлыкны белгән кеше эшли дә. Җәһәннәм уты андыйларга. Әле ирләре дә бардыр. Ахырзаман»;
«Бу – көнчелек. Андый хатын-кызлар күп»;
«Зәмирә, кисәттегез. Мин шунда аның фотосын куяр идем, башка кешенекенә кызыкмасын өчен яхшы булыр иде. Андыйлар бәхетсез һәм гомер буе шундый булачак та»;
«Бик яшь күренә шул ирегез»;
«Молодец, Зәмирә, вакытында койрыгын өздең. Дөрес сүзләр, хатын-кыз беренче булып ябыша ул, хатын китертмәсә, ир кеше килми ул»,– кебек төрле комментарийлар калдырганнар.