Зәмирә Рәҗәпова социаль челтәрдә үзенә киңәш бирүчеләр турында язган.
«Сезне тыңласам, мин:
– иремне карт бабайга алмаштырырга тиеш;
– миллион керем ала торган бизнесымны «приличный» эшкә алмаштырырга тиеш;
– улымны хоккейдан алып шахматка бирергә (бу очракта мин килешәм, ләкин миннән тормый);
– 3 катлы йортымны җимереп, бер катын гына калдырырга, чөнки картайгач уңайлы була;
– «Мерс» машинасын Россиянекенә алмаштырырга, әлегә соң түгел, имеш. Аннары запас частьлар булмаячак;
– Тагын 50 кг ябыгырга, аннары юкка чыгарга. Гомумән, бөтенләй күздән югалырга тиеш;
Яратам сезне, сез минем кәефемне күтәрәсез», – дип язган танылган алып баручы.
Зәмирә бу хакта язып, башкаларның да кәефен күтәргән.
«Мин эчем катып көләм. Шулкадәр дөрес фикерләр язасыз бит сез», «Үзләренең берни эшлисе килми, ә киңәш бирәләр», «Кайберәүләргә Зәмирә хәтле булдырырга һәм булырга кирәк», «Әй, көнләшмәгез әле, Зәмирә апа булдыра», – дип комментарийлар калдырганнар.