Алып баручы Зәмирә Рәҗәпова белән музыкант Максим Куприянов гаиләсе шатлыклары белән уртаклаша. Алар бизнес-класслы торак комплексында фатир сатып алганнар.
«Ниһаять, бу көн килеп җитте! Менә безнең йортыбыз! Әле монда төзелеш өстендә төзелеш. Һәм без бүген фатирыбызның ачкычын алырга килдек», – дип сөйләгән сторисларында Зәмирә. Йорт, чыннан да, төрле уңайлыклар белән. Мәсәлән, аның подъездында да ял итү зоналары, бәдрәфләр бар.
«Әлеге фатирны без өлкән улыбызга сатып алдык. Икенчесен, Аллаһ теләсә, икенче улыбызга алачакбыз. Мин фатир арендалап торуның да, ипотека түләүнең дә нәрсә икәнен беләм. Үз балаларыма андый киләчәк теләмәс идем», – дигән Зәмирә.