«Замана әбиләре: яулык бәйләгәннәр, күлмәк кияргә онытканнар» - Данир Сабиров көлдерә
Юмор остасы Данир Сабиров кызлары Мәрьям һәм Дания белән яхшы кәеф өләшә.
Данир Сабиров Инстаграм битендә кызлары белән әбиләр булып кыланып, яулыклар бәйләп, җырлый-җырлый биегәннәрен күрсәтте. «Гәйбәтче әбиләр! Балалар миңа тик-ток ачып бирде. Язылыгыз.
Берәр кызык нәрсә куярга кирәк дигәч, шушыны уйлап таптым», — дип язган ул.
Инстачылар Данирның кыланмышларын бик җылы кабул иткән, кәефләрен күтәреп җибәрүләре өчен рәхмәтләрен җиткергәннәр.
«Хыялыйлар, сезгә килешә», «Данир матур, кыз булса, тагын да чибәр булыр иде», «Данир, афәрин! Ир-атлар, үрнәк алыгыз!», «Рәхәтләнеп көлдем, бигрәк күңелле яшисез», «Замана әбиләре: яулык бәйләгәннәр, күлмәк кияргә онытканнар», «Хәзер концертларыгызны телефоннан гына карарбыз инде», «Сабировский әбиләр», «Булдырасыз, афәрин», — дип язганнар Данир Сабировка.