Татарстан Республикасы мөселманнары Диния нәзарәтенең «Зәкят» хәйрия фонды ел саен үткәрелүче «Мәктәпкә җыенырга ярдәм ит» республика акциясендә катнашырга чакыра.
Акция кысаларында Татарстанның күпбалалы һәм аз керемле гаиләләренә мәктәп кирәк-яраклары сатып алу өчен акча җыелачак.
Мәктәп өчен кирәк-яраклар комплекты үзгәрешсез булып кала: болар – рюкзаклар, канцелярия товарлары, дәфтәрләр, хезмәт һәм рәсем дәресләре өчен җыелмалар һәм башкалар.
Акциядә катнашу өчен акчаларны zakyatrt.com сайты аша җибәрергә мөмкин.