Зәйнәб Фәрхетдинованың «Күк зәңгәре күзләрең» дигән яңа җыры музыкаль мәйданчыкларга чыкты. Аның сүзләрен Наил Галиев, ә көен Алинә Ганиева язган.
«Зәйнәб Фазлытдиновна, бик зур рәхмәт, бик матур башкардыгыз җырыбызны. Алиягә дә бик зур рәхмәт. Просто суперски булган көе. Алга таба да бик зур уңышлар телим», – дип комментарий калдырган җырның сүзләре авторы.
«Вай, вай, бик матур җыр», «Искиткеч җыр», «Супер» кебек комментарийлар һәм күпсанлы «ут» билгеләре калдырган җырчының иҗатын яратучылар.
«Үзгәреп беттегез», – дип тә язган берәү җырчының образларын еш алыштыруына ишарәләп, күрәсең.
