«Дус, туган, олы йөрәкле, талантлы да, булган да, уникаль кешебез Фаяз, синең турыда көннәр буе сөйләргә була. Эшләгән эшләрең белән айлар буе сокланып торырга була. Сине бик юксынабыз. Эх, иртә булды бу якты дөньялардан китүең... Авыр туфрагың җиңел, урыннарың җәннәт түрендә булсын!» – дип язган социаль челтәрдәге битендә Татарстанның халык җырчысы Зәйнәб Фәрхетдинова.
Җырчы, мәрхүм туганын юксынып, видеотезмә ясаган. Аңа Әнвәр Нургалиевның «Күзен йомган тәрәзәләр» дигән яңа җырын куйган.
Видеода күренгәнчә, Фаяз әфәнде чәчәкләр яраткан, бигрәк тә яран гөлен үз иткән, хәтта лимон да үстергән. Ә Яңа ел кичендә Кыш бабай булып киенеп, балаларны да куандырган ул.
«Интертат» җырчының һәм мәрхүмнең гаиләсенең тирән кайгысын уртаклаша.