Зәйнәб Фәрхетдинова тамашачыларына үзенең яңа иҗат җимешен тәкъдим итте. «Икәү бәхетле» дигән яңа җырын артист ике яшь йөрәккә багышлаган.
«Икесенең дә беренче мәхәббәт… Ләкин аларның бер-берсенә булган көчле мәхәббәтләре сынау аша уза алмый. Егет хастахәнәгә эләгә, кыз башка егет белән очраша башлый... Әле генә булган кайнар мөнәсәбәтләр бер мизгелдә юкка чыга… Һич аңлап булмый… Әгәр мондый хәл өйләнешкәннән соң булса? Бу очракта ни эшләп бетәр иде мондый «мәхәббәт»?
Егет башын аска иеп: «Мин аңа үзем көтмәскә куштым», – дип җавап бирде.
Ә сез нәрсә дияр идегез, ничек дөрес була?» – дип язган әлеге авыр мәхәббәт тарихын җырчы үзенең сәхифәсендә.