Зәйнәб Фәрхетдинованы «фотошоп белән ябыккан» дип уйлаганнар
Татарстанның халык артисты Зәйнәб Фәрхетдинова матур фотосын урнаштырган.
«Болгар» радиосында туры эфирда сөйләштек, җырладым. Бик күңелле булды, рәхмәт! Кичә «Колак» уенында да күңелле итеп аралашып алган идек, анда җыр булмаса да, Дилбәрнең әзерләгән сорауларына җавап бирү, тапкырлык сорала. Җиңүче булдым, ура! Чәршәмбе үземнең Инстаграм битемдә туры эфирга чыгам! Җырлыйбыз! Бу юлы барысы да яхшы булыр дигән өметтә калам! Язлар барыбызга да бәхет алып килсен!» — дип язган җырчы.
Инстачылар җырчыны танымаганнар.
«Абау, мин сезне танымадым, бигрәк ябыккансыз», «Вәт, фотошопны шәп эшлисез, бер фотода 90 кг, икенчесендә — 50 кг», «Дөрес, бер карыйсың таза, бер карыйсың - 50, әйтсәң яратмыйлар әле. Фотошоп белән үзгәртәләр, әллә безне юләр дип беләләр», — дип язган алар.
«Уңышлы ракурс, фотошоп юк», — дип җавап кайтарган Зәйнәб Фәрхетдинова.
Башкалары исә, җырчының тагын да яшәреп китүенә сөенгәннәр.
«Афәрин, Зәйнәб ханым, үзегезне карап торасыз, соңгы вакытта бик чибәрләнеп, яшәреп киттегез», «Бик матур», «Карап кына торасы килә бу сурәтегезгә», «Үзизоляция сезнең тышкы кыяфәттә һәм эчке дөньягызда чагылыш тапмаган. Афәрин, бик чибәр, актив, позитив сез!»