Зәйнәб Фәрхетдиновадан кабак бәлеше рецепты
Хәзер кабак вакыты. Кайбер хуҗабикәләребез бәрәңге урынына өчпочмакка, я мантый пешергәндә сала.
Кабак бәлеше камыры өчен: 1 йомырка, тоз, шикәр комы, 1 стакан су, атланмай, он.
Эчлек өчен: кабак, тоз, шикәр комы, тары ярмасы, дуге ярмасы, йөзем җимеше, атланмай.
Эш барышы:
Кабакны чистартып, шакмаклап турап, өстенә тоз, шикәр комы салып куярга;
Тары ярмасын, дөгене пешереп алырга;
Табага камырны җәеп салырга;
Камыр эченә кабак, ярмаларны, өстенә йөзем җимеше, сыер мае салырга;
Бәлеш өстен камыр белән капларга;
30-35 минутка мичкә куярга.
