Зәринә Хәсәншинага «каян чыкканын һәм нәрсә ашап үскәнен» исенә төшергәннәр
Җырчы инстаграм сәхифәсенә шаян видео урнаштырган.
Җырчы Зәринә Хәсәншина инстаграм аккаунтына шаян видео куйган. Бизәнгән-ясанган, күлмәкләр, үкчәле түфлиләр кигән Зәринә машинасы белән текә генә авылга кайтып туктый. Ә берничә секундтан видеода җырчының чиләк тутырып бәрәңге чүпләгәнен карарга була.
«Фуфуренный булып авылга кайткач, әти-әниләр „кайдан чыкканымны һәм нәрсә ашап үскәнемне“ тиз искә төшерделәр», — дип язган ул.
Инстачылар Зәринәгә елмаюлы смайллар юллаганнар. «Бик шәп шаярту», «Бомба булган бу», «Ун тапкыр карадым», — дигәннәр алар.
