Зәринә Хәсәншина “Мәхәббәт йолдызым” җырын башкара

"Мәхәббәт йолдызым"
Э. Җәлилова сүзләре, Р. Галимуллин көе.

Мең сорау, мең юрау алдында
Торамын язмышлар ярында.
Мин сине күргәчтен ышандым
Дөньяда мәхәббәт барына.

Гомерем офыгы бик ерак
Барасы юлларым озын.
Яктыртып күңелем күкләрен
Кабынды мәхәббәт йолдызым.

Мин сине гел эзләп йөргәнмен,
Төннәрен төшемдә күргәнмен.
Пышылдап дәшсәм дә исемеңне
Бәхеттән сулкылдый йөрәгем.

Синле һәр мизгелем мәңгелек,
Кадерле тик синле көн-төнем.
Гомергә яратып туя алмас,
Мәхәббәт йолдызым син минем.