Зәмирә Рәҗәповадан "Син ник иреңне гел кочаклыйсың?" дип сораганнар

"Берәр кайчан мин китап чыгарам. Ул "Социаль челтәрләрдә иң тузга язмаган комментарийлар" дип аталачак", - дип башлаган сүзен телевидение алып баручысы Зәмирә Рәҗәпова.

Баксаң, Зәмирәгә инстаграмда берәү "Син иреңне гел кочаклыйсың. Нишләп? Димәк, куркасың", - дип язганнар.

"Кызлар, сорау! Сез ирләрегезне кочаклыйсызмы ул? @gliiakha... Татарстанда ирен кочаклый торган хатын син генә, дип исбатлый! Мин яратам инде эксклюзив булырга, змма шикләнәм, мин генә микәнни ирен яратучы? Сез дә шундыймы?" - дип язган Зәмирә. 

"Икегез диванның ике башына утырып төшегез, "аерылганнар икән" диярләр", - дип киңәш биргән Зәмирәгә бер инстадашы.