Зәмирә Рәҗәпова: «Чәйнәүләрегезгә мохтаҗлыгым юк. Әрсезләрне урыннарына утырта беләм»
Замирә Рәҗәпова кайбер тәртип бозучыларга әдәпле булу кагыйдәләрен аңлата.
Танылган алып баручы Замирә Рәҗәпова инстаграмда тагын бер сәхифә алып бара. Әлеге «Остабикә» дип аталган сәхифәдә ул тәмле ризыклар пешерү ысуллары белән бүлешә. Аккаунтның язылучылары арасында үзләрен әдәпсез тотып, төртмәле сүзләр язып, Замирәне яманлап, үзләрен мактап утырганнары да бар икән.
Замирә әлеге тәртип бозучыларга кайбер кагыйдәләрне аңлатып китәргә булган: «Җәмәгать!!! Минем аккаунтка кереп, минем рецептларны чәйнәүдән туктагыз! Моның өчен мин сезне блокка жибәрәчәкмен! Сездән минем кинәш сорап язганым юк! Ничек телим, ничек беләм — шулай пешерәм! Гадәттә, миннән рецепт сорап язалар, шундыйлар өчен бу аккаунт!
Мин яхшы пешерәм, тәмле пешерәм! Мактану түгел, факт. Минем өчен 2-3 сәгатьтә 50 кешелек аш-су өстәле әзерләү — берни түгел. Сезнең өйрәтүләрегезгә, тикшерүләрегезгә, чәйнәүләрегезгә мохтаҗлыгым юк! Ошамаса — аккаунт ишеге ачык! Ярдәм итә алам чыгып китәргә! Мин аны болай итәм, тегеләй итәм дип монда үзегездән шеф-повар ясап утырмагыз. Үз аккаунтыгыз бар аның өчен! Әгәр рецепт белән бүлешәсегез килә икән, минем эшемә бәя бирмичә генә, чәйнәмичә генә, сөйләштекме! Монда мин хуҗа, ни телим, ничек телим — шулай язам.
Минем рецептлар белән пешерү мәҗбүри түгел, ихтыярыгызда! Әйе, мин усал! Әрсезләрне урыннарына утырта беләм! Киләчәктә бу сөйләшүгә әйләнеп кайтмабыз, дип ышанам».
«Молодец, Замирә! Күптән вакыт. Ә безгэ бик ошый, онытып жибәрсәм дә, хәзер кереп чыгам шушы сәхифәгә. Күпме рецепт өйрәндем, шатланып туя алмыйм!»;
«Шәп манчыдың, молодец!»;
«Вот молодец, Замирә туганым! Шулай кирәк диван тәнкыйтьчеләренә. Мин синең рецептларың белән пешерәм. Рәхмәт сиңа. Балалар кунаккв кайткач сорыйлар. Бигрәк тәмле булган, тагын Замирә рецептыдыр инде диләр. Бик молодец хатын син. Эшләмәгән эшең юк. Ничек өлгерәсеңдер? Җыйган дөньяларыңның, балаларыңның игелеген күреп, тигез озын гомер юлы сиңа!» — дип язган Замирәнең виртуаль дуслары.