Зөлфирә Шәйдуллинаның яңа җыры чыкты
Ул бу җырны Фирзәр Мортазиннан сорап алган булган.
Зөлфирә Шәйдуллина яңа яздырган җырын миләш агачы янында башкарган видео куйган. Уйланырга мәҗбүр итә торган җыр «Бер гомер җитәрме икән» дип атала.
«Бүген яңа җырым дөнья күрде! Шундый яраттым мин бу җырны! Фирзәр абыйдан «менә-менә, шушы җырны яраттым» дип сорап алганым да истә», — дип яңалыгы белән бүлешкән җырчы.
Җырның сүзләрен Рузилә Гатауллина язган.
Җырчының тамашачыларны «искиткеч матур, шәп җыр», дип бәяләгәннәр.
«Зөлфирәкәй, бик матур жыр, синең башкаруыңда авыл турында җыр ишетәсе килә, син дә, без дә чын авыл балалары бит», — дип тә язган бер инстачы.
