Зөлфәт Зиннуровны хатынын йоклатмауда гаеплиләр
Ул машинада йоклап барган хатынын күрсәтте.
Зөлфәт Зиннуров яңа куйган видеода үзе машина белән идарә итә, ә арткы утыргычта хатыны йоклап бара. «Кызыгып үләм инде шушы пассажирга. Утыруга йокыга китә», — дип язган ул.
Инстачыларның бер төркеме танылган алып баручының хатыны Гөлназны кызганган, ә икенчесе аның рәхәтләнеп йоклавына кызыккан.
«Яшь вакытта гел йокы туймый инде ул. Йоклый алганда йокласын»;
«Молодец, вакытын бушка уздырмый»;
«Арыгандыр, эше күп булып йокы әз тиядер. Яшь чагында гына баш тиюгә йоклап була ул, менә хәзер кич йокыга яткач та йокыга китеп булмый»;
«Рәхәтләнеп йокласын, мондый вакыт бер генә килә ул. Болай йоклый алу бетен кешегә дә тәтеми» кебек комментарийлар калдырганнар.
Шулай ук Зөлфәткә адресланган комментарийлар да күп:
«Зөлфәт, сез ышанычлы ир, шуңа тынычлап йоклап бара»;
«Хатыныңны төнлә йоклатмыйсың»;
«Уянсын әле, эләгә сиңа»;
«Бу видеоны бөтен инстаграмга куйган өчен эләгә инде сиңа»;
«Үзең көйләп йоклатасың бит»;
«Шундый сандугач сайрагач, йокы тәмле бит ул»;
«Җенем сөйми ирләренә һәрдаим машинада барганда бәйләнеп, өйрәтеп баручы ханымнарны. Менә бит рәхәтләнеп, беркемгә дә комачауламыйча черем итә. Кызыгырлык шул, Зөлфәт»;
«Руль артында ышанычлы, көчле куллар, ул шуңа йоклый».