Зөлфәт Зиннуров ике еллык тәнәфестән соң яңа җыр яздырган
Шоуменның җыры «Татар радиосы»нда һәр сәгатьнең унынчы минутында яңгыраячак.
Шоумен Зөлфәт Зиннуров «Яшәүләре әйбәт әле» дигән яңа җыр яздырган. Ул бу хакта инстаграмда үз битендә хәбәр итә.
«Яңа җыр яздырмаганга 2 еллап вакыт үткән икән. 10 август @tatarradiosi нда һәр сәгатьнең 10 нчы минутында өр-яңа җыр — «Яшәүләре әйбәт әле». Һәрберебезгә дә шулай дип яшәргә язсын!
Җыр җәй башында ук чыгарга тиеш иде, ләкин вакыт булмады (ялкаулык, дөресрәге). Гадәттә, минем репертуарда фәлсәфирәк җырлар булса, монысы җиңелчә җыр. Сезнең фикерләрегезне көтеп калам!
Җыр эфирда: 6.10, 7.10, 8.10, 9.10, 11.10, 13.10, 14.10, 15.10, 16.10, 17.10», — дип язган ул.
Инстачылар җырны хуплап алган. Зөлфәт Зиннуровның Альбина Кармышева белән дуэт та яздыруын көтүчеләр бар.