«Үзәккә үтә, елата» - Ришат Төхватуллинның Казандагы фаҗигадән соң язылган җыры чыкты
Җыр сүзләре авторы — Марат Кәбиров.
Ришат Төхвәтуллин «Кая» дип аталган яңа җырын тәкъдим итте. «Бу җыр Казандагы фаҗигадән соң язылган иде. Тыңлап карагыз әле» — дип язган ул үзенең Инстаграм аккаунтында. Җыр сүзләре авторы — Марат Кәбиров.
Җырның кушымтасында «Кая, кая бара икән бу дөнья? Кем язмышы кемнәр кулында?» — дигән сүзләр бар.
«Күздә яшьләр. Үзәккә үтеп керә торган җыр»,
«Бик тирән мәгънәле. Күңелгә үтеп кереп елата»,
«Бик мәгънәле, үзәккә үтәрлек җыр. Моны тыңлагач, тормышның кадерле булуына инанасың»,
«Ниһаять, чыннан да мәгънәле, Ришат моңына хас җыр», — дип яза инстачылар.