13 сентябрьдә иртән тугызлар тирәсендә Тукай районының «Орбита» бакчачылык ширкәтендә янгын чыга. Бу турыда «Челнинские известия» яза.
Биредә 30 квадрат метр мәйданда иске мунча янып бетә.
Фаҗигане 40 яшьлек хуҗабикә хатын күреп тора. Аңа зыян килмәгән.
Хуҗабикә сүзләренчә, ул кичтән мунча яккан, кереп юынып чыккан. Иртән тәрәзәгә караса, мунча түбәсе астыннан куе төтен чыга.
Мунча иминиятләштерелмәгән булган, диелә хәбәрдә.