Татарстан халкы юл йөрү кагыйдәләрен бозган өчен салынган кайбер штрафларны 25 процент ташлама белән түли ала. Моның өчен штрафны түләүне карар законлы көченә кергәннән соң 30 көн эчендә башкарырга кирәк. Әмма кайбер җитди хокук бозуларга ташлама кулланылмый. Бу турыда «Татар-информ» яза.
Түбәндәге хокук бозулар өчен штрафны ташлама белән түләп булмый:
- автомобильне исерек хәлдә яки башка төрле исерткеч матдәләр тәэсирендә идарә итү;
- транспорт чарасы йөртүченең медицина тикшерүе узудан баш тартуы;
- юл йөрү кагыйдәләрен җитди рәвештә кабат бозу, шул исәптән билгеләнгән тизлекне арттыру, светофорның тыючы сигналына карамастан хәрәкәт итү яки каршы як полосага чыгу;
- тиешле тәртиптә теркәлмәгән транспорт чарасы белән кабат идарә итү;
- юл-транспорт һәлакәте нәтиҗәсендә кеше сәламәтлегенә зыян китерү.
Закон нигезендә, шул ук төрдәге элекке хокук бозу өчен машина йөртүче инде җаваплылыкка тартылган булса, бер ел эчендә кабат кылынган шундый ук хокук бозу кабатланган дип таныла.
Билгеләнгән шартлар үтәлгән очракта штраф суммасы 25 процентка киметелә.
Түләүне штраф салу турындагы карар законлы көченә кергәннән соң 30 көн эчендә башкарырга кирәк.