Әнвәр Нургалиевның бүген Оренбургта концерты булырга тиеш булган. Юллар ябык булу сәбәпле, концерт күчерелә – иртәгә булачак.
Җырчы, 2 көн Стәрлетамакта концерт куйганнан соң, бүген Оренбургка юл алган. Юлда барганда ук: «Тышта буран, бозлавык», – дип сөйли ул. Оренбургка 100 километр кала алар туктарга мәҗбүр була.
«Оренбургта яшәүче тамашачыларым, безнең концерт иртәгегә күчерелә. Юлда буран, куркыныч юл-транспорт һәлакәтләре булган, юллар әле дә ябык. Бөтен билетлар үз көчендә кала, иртәгә барыгызны да көтеп калабыз. Аңларсыз дип өметләнәбез», – дип сөйли артист.
